اطالب بالغاء الامتحانات

كتبهاصعيدي ، في 8 يونيو 2007 الساعة: 15:54 م

ملحوظة: هذا ادراج نشر منذ عدة أشهر

اطالب كل خديوي بالغاء الامتحانات في بلادنا

بلدنا كلها امتحانات .. امتحانات للطلاب في المدارس ، وللمعلمين للترقي ، وامتحانات في الجامعات وامتحانات … امتحانات خلينا في جزء الامتحانا ت الموجودة في التعليم … على ايه بس امتحانات … مش لما يبقى فيه تعليم … ده صحيح اللى اختشوا ماتوا

الامتحانات الكتير دي ياترى بتكلف قد ايه؟؟

طب نتيجتها ايه ؟ وهدفها إيه؟

انا باقترح الغاء الامتحانات … آه

واللي يهمني توفير التكلفة المادية والنفسية وكل انواع التكلفة

اتقوا الله وشوفوا بديل للامتحانات دي طالما اصبح مستحيل تطوير نظم التعليم في بلادنا

بلاش إرهاق وإعدام للقيم والمبادئ الجميلة على الأقل

بلاش يبقى هم الممتحن وأسرته وولي أمره كيف يغش في الامتحان؟!بلاش

*************************************

التعليم في بلادنا علشان الشغل .. شغل مناسب ومناصب مش تعليم لاجل العلم

لان بصراحة ما فيش تعليم الا ما رحم ربي

في بلاد تانية المناهج بيختارها الطالب على حسب ميوله

لذلك بيدرس بحب مش مفروضة عليه

شوف بقى الدراسة كلها بحث وتنقيب من الطالب يعمل فيها عقله وينمي قدرته على التعلم

وتلاقي الامتحان عبارة عن مشروع يقدمه الطالب في نهاية العام في ضوء ما تم دراسته

مش اسئلة صماء نظرية … لا عملية مشروع

اضرب مثال

يعني لو بتعلمني الطبيخ

اعملك في الامتحان حلة محشي ، وكمان ممكن استعين باي كتاب .. المهم اني استفدت من اللى قرأته ومش لازم احفظه كله .. لكن ح اعرف ازاي استفيد منه في حياتي العملية

******************************************

ده ممكن يبقى شيء من ترشيد الاستهلاك على الاقل

استهلاك المال ، استهلاك الذمم ، استهلاك الاخلاق والقيم اللى بقينا نشوفها بس في الكتب ونسمع عنها في الحواديت

سؤال …. إيه المانع من الغاء الامتحانات … ما نفكر صدقوني ممكن يكون فيه بديل موفر ومفيد وموضوعي برضه … بلاش …. انا قصدي نظام الامتحانات … يكون فيه تقييم وتقويم بس غير النظام اللى ماشي في مصر ده .. الممتحن يسافر آخر بلاد المسلمين علشان يراقب تعب له … وبعدين ده فيه عدم ثقة في المعلم وذمته وضميره … ليه مش يراقب في الامتحان مدرس المدرسة مادام رافضين الغاء الامتحان المهزلة ده

انا قلت اللى في نفسي وبس

ويارب يهدي الجميع

أضف الى مفضلتك

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج

أحمد الضبع قال:
يوليو 25th, 2006 at 25 يوليو 2006 11:14 ص

أخى صعيدى ” مهموم بالوطن ” الوطن ..الوطن خاصة فى هذه الأيام الحرجة يمر بأكبــــــــــــر امتحــــــــــان له فى تاريخ البشرية ، نعم ياصديقى … صدقنى .. ادعى معى أن يجتاز وطننا المتعرض للتمزق امتحانه الصعب ، أعرف أنك تتناول موضوعك الجاد الساخر محاولا كسر جمود الواقع المر ، وابراز تساؤلات عديدة عن جدوى الإمتحانات فى ظل عادات الرشوة والواسطة والفساد ، … موضوعك رائع ، تتميز بخفة ظل ، لغتك قريمة من المعنيين بالمشكلة ، واصل فنحن مجتمع أحوج ما يكون لجحويات جديدة نعالج بها أزماتنا دون مزيداً من الألم ، يعنى ما يبقاش موت وخراب ديار . سأتابعك دوما ويسعدنى زيارتك لمدونتى على الرحب والسعة … البيت بيتك .

علاء منصور قال:
يوليو 25th, 2006 at 25 يوليو 2006 2:55 م

اخي الصعيدي انت وضعت اصبعك على الجرح شعوبنا من زمان ساكته وما بتتكلم والان بتبكي وبتنوح وكلمة اخيرة للأمة وآسف للتعبير المقتبس من احدهم (( لا تبك كالنساء على وطن لم تصنه كالرجال))